Адамның тұрақты дамуы гендерлік теңдікке қол жеткізудің негізгі факторының бірі болып табылады. 2000 жылы Нью-Йорк қаласында өткен Мыңжылдықтың саммиті, БҰҰ-ның маңызды конференциялары гендерлік теңдік және құқықтар мен мүмкіндіктерін кеңейту бойынша мәселелер енгізілген. Аталған оқиға бейбіт және даму мәселелері бойынша талқылау үшін жоғары деңгейдегі өкілетті жиын болды.
Гендер бұл ерлер мен әйелдердің мінез-құлқын, сондай-ақ олардың арасындағы әлеуметтік өзара қарым-қатынасты айқындайтын, олардың әлеуметтік және мәдени нормалары мен рөлдерінің жиынтығы.
Гендерлік теңдік әлеуметтік функцияларды орындау кезінде жыныстық тегіне қарамастан әйелдер мен ерлердің ресурстар мен игіліктерге тең дәрежеде қол жеткізуі.
Гендерлік статистика әйелдер мен ерлердің келесі салалардағы ахуалының деректер жиыны: халық, отбасы, денсаулық сақтау, білім бері және коммуникация, жұмыспен қамтылу, адам құқықтары және саясат. Әйелдер мен ерлердің тең құқықтары және мүмкіндіктерінің қағидаларын іске асыру, тиімді өзіндік әлеуметтік-демографиялық саясатты әзірлеу кезінде әйелдер мен ерлер топтарының ерекшеліктерін ескеруге мүмкіндік беретін маңызды құралдарының бірі болып табылады.
